चालू घडामोडी - ३० जुलै २०२०

नव्या राष्ट्रीय शिक्षण धोरणाला मंजुरी

  • तब्बल ३४ वर्षांनंतर नव्या राष्ट्रीय शैक्षणिक धोरणाला केंद्रीय मंत्रिमंडळाच्या बैठकीत मंजुरी देण्यात आली आहे.
  • आता सहावीनंतर व्यावसायिक शिक्षणही दिले जाईल; तर ५ वी पर्यंत मातृभाषेत शिक्षणाला प्राधान्य असेल.

राफेल विमाने भारतात दाखल

  • पाच राफेल फायटर विमानांनी अंबालाच्या एअर फोर्स बेसवर लँडिंग केले. इथेच राफेलचा कायमस्वरुपी तळ असणार आहे.
  • फ्रान्स मेरिनॅक एअर फोर्सच्या तळावरुन सोमवारी(२७ जुलै) सकाळी या विमानांनी उड्डाण केले होते. संयुक्त अरब अमिरातीच्या अल धफ्रा बेसवर ही विमाने एकदिवस थांबली.
  • त्यानंतर आज(२९ जुलै) भारतात दाखल झाली.
  • राफेलची तुकडी हिंदी महासागर क्षेत्रात दाखल होताच, नौदलाने राफेलच्या वैमानिकांना ‘हॅप्पी लँडिंगच्या शुभेच्छा दिल्या. यूएईच्या अल धफ्रा बेसवरुन उड्डाण केल्यानंतर राफेलच्या तुकडीने पश्चिम अरबी सागरात तैनात असलेल्या भारतीय नौदलाच्या INS कोलकात्ता या युद्धनौके बरोबर संपर्क साधला.

अंबाला एअरबेसचे महत्व

  • अंबाला एअरबेसचा इतिहास हा १०० वर्षांहून अधिक जुना आहे.
  • १९१९ साली रॉयल एअर फोर्सने ब्रिस्टोल फायटर्ससोबत याच एअरबेसवर ९९ स्क्वॉड्रनची स्थापना केली होती. त्यानंतर पुढील तीन वर्षांमध्ये म्हणजेच १९२२ साली अंबाला हे ब्रिटीशांच्या रॉयल एअर फोर्सचे हे भारतातील मुख्य तळ बनले.
  • भारत स्वतंत्र झाल्यानंतर १९४८ ते १९५४ या सहा वर्षांच्या कालावधीमध्ये या एअरबेसचा वापर वैमानिकांना प्रशिक्षण देण्यासाठी करण्यात आला.

वन विभाग व वाईल्ड लाईफ कंझर्वेशन सोसायटी संयुक्तपणे करणार मानव व बिबट्या सहसंबंधांचा अभ्यास

  • मानव व बिबट्या सहसंबंध अधिक समजून घेण्यासाठी बिबट्याच्या टेलिमेट्रि (दूरमिती ) अभ्यासाला भारत सरकारच्या पर्यावरण, वन व हवामान बदल मंत्रालय, नवी दिल्ली यांची नुकतीच मान्यता
  • वन विभाग, महाराष्ट्र शासन व वाईल्ड लाईफ कंझर्वेशन सोसायटी-इंडिया संयुक्तपणे हा अभ्यास करणार आहेत